საზაფხულო სკოლის 2013 წლის სესიას უმასპინძლა აკადემიის ახალმა, 1.5 ჰექტარის ფართობის განლაგებულმა კამპუსმა ლისის ტბაზე. სკოლის თანამედროვე დიზაინი და აკადემიურ მოთხოვნებზე მორგებული არქიტექტურა მოსწავლეებს უქმნის მყუდრო და ტექნიკურად გამართულ გარემოს.

სასწავლო პროგრამა

საზაფხულო სკოლაში პირველი კვირა დაეთმო ინგლისურ ენაზე აკადემიური უნარების განვითარებას - წერას, კითხვას და საუბარს. ეს უნარები უმნიშვნელოვანესია ინგლისური ენის ცოდნის გაღრმავებისა და პრაქტიკაში წარმატებით გამოყენებისათვის. საზაფხულო სკოლის აკადემიური უნარების განვითარების პროგრამა შეიმუშავეს აკადემიური მომზადების ცენტრის ქართველმა და ამერიკელმა სპეციალისტებმა სტანდარტული ტესტების და საუნივერსიტეტო მოთხოვნების გათვალისწინებით. 

საზაფხულო სკოლის მეორე კვირას მოსწავლეები ეცნობიან თითოეული სტანდარტული ტესტის (SAT, TOEFL, IELTS, GRE, GMAT) სპეციფიკას. მათ საშუალება აქვთ ინგლისურ ენაზე აკადემიური წერის, კითხვის და საუბრის უნარები დახვეწონ ჩვენი უნიკალური პროგრამების საშუალებით. ამ პროგრამაში მონაწილეობა დაეხმარება მოსწავლეებს აკადემიის და სხვა ქართული თუ უცხოური საგანმანათლებლო ინსტიტუტების მისაღები გამოცდებისთვის მომზადებაში და რაც მთავარია, შემდგომ წარმატებით სწავლაში.
 

პედაგოგები

საზაფხულო სკოლის ყველა პედაგოგს აკადემიური და პროფესიული კვალიფიკაცია მიღებული აქვს ისეთ წამყვან ორგანიზაციებსა და ინსტიტუტებში როგორიცაა Clark University, Model United Nations, University of Miami Farmer School of Business, Grenoble Graduate School of Business, Cambridge ESOL Certification, Baylor University, and Open Society Center for International Education. 

​

საზაფხულო სკოლის მეშვიდე სესია იწყება 2014 წლის ივლისში

​რეგისტრაცია შესაძლებელი იქნება 2014 წლის მაისიდან